Orijinal adı: This Means War
Videokeyfiyyət: 1080p
Məzmun: Mərkəzi Kəşfiyyat İdarəsinin iki məxfi agenti bir-birilə möhkəm dost olan Franklin Foster və Tak Henson Honq-Konqa ezam olunur. Onların başlıca hədəfi yeni əməliyyatı üçün kütləvi şəkildə silah-sursat alan Henrix adlı beynəlxalq terrorçunun planlarını alt-üst etməkdir. Ancaq Henrixin qardaşının öldürülməsi və onun aradan çıxması ilə missiya iflasa uğrayır. Henrix üçün qardaşının qisası artıq əsas prioritetə çevrilir, uğursuzluğa düçar olan agentlər isə ABŞ-a qayıdır və həyatları təhlükədə olduğundan gizli məkana göndərilirlər. Franklinə verilmiş qondarma şəxsiyyətə əsasən o, kruiz tipli gəminin kapitanıdır, Tak isə müvəqqəti olaraq turistik agentə çevrilib. Bekarçılığı “öldürmək” üçün Tak tanışlıq saytına daxil olub, Loran Skott adlı qızla tanış olur. Loran məhsulların sınaqdan keçirilməsi üzrə mütəxəssisdir. Görüşdən sonra onlar ümumi dil tapırlar. Bir müddətdən sonra Franklin dostunun sevgilisi ilə tanış olur və onunla mazaqlaşmağa başlayır. Nəticədə özləri də bilmədən məhəbbət üçbucağına baş vururlar. Hər ikisi Lorana dəlicəsinə aşiq olub və məhəbbət həm dostluğa, həm də peşəkarlığa üstün gəlib. İndi son seçimi Loran etməlidir...
Orijinal adı: That Awkward Moment
Videokeyfiyyət: 1080p
Məzmun: İstirahət zamanı 18 yaşlı cazibədar gözəlçə 42 yaşlı ataya aşiq olur. Əgər gözəl qızın aşiq olduğu kişinin dostu qızın çox sərt və ciddi atası olmasaydı, hər şey qaydasında olardı... O, sevimli qızına bir addım belə yanaşan hər kəsi öldürməyə hazırdır...
Orijinal adı: Warlock
Videokeyfiyyət: 1080p
Məzmun: Hadisələr 1691-ci ildə ABŞ-ın Boston şəhərində cərəyan edir. Qitənin ən əzəmətli cadugərinin edamına sayılı saatlar qalır. Ancaq İblisin özü şagirdinin yardımına gələrək, onu xilas edir və 300 il gələcəyə, müasir Los Ancelesə atır. Cadugərə vacib bir tapşırıq verilir. Tanrının gizli adını öyrənmək məqsədilə “Böyük Qrimuar” kitabının üç hissəsini tapmalıdır. Onlar vəhdət şəklinə gəlsə? bütün bəşəriyyət şər qüvvələrin əsarətinə düşə bilər. Cadugərin ardınca gələcəyə nüfuzlu ifritə ovçusu Jil Redfern yollanır. Orta əsr Yeni İngiltərəsi dövründən bəri onun mühakimə olunaraq cəzasını almasına nail olmağa çalışır. Məkrli planlar güdən cadugərin qarşısını almaq və bəşəriyyəti xilas etmək üçün Jil səylərini tilsimlənmiş qadınla birləşdirir...
Orijinal adı: Warlock: The Armageddon
Videokeyfiyyət: 1080p
Məzmun: İblisin himayəsində olan Cadugər qayıdıb. O, əsrlər əvvəl yoxa çıxmış sehrli daşları aşkarlamağa çalışır. Bu daşlar birləşsə el-aləm İblisin hökmranlığı altına düşəcək. Cadugərin həmin daşları axtarıb-tapmasına ancaq 7 günü var (günəş və ay tutulmaları arasında). Hər növbəti daşı tapdıqca, onun ovsunları və caduları daha da güclənir. Ancaq Druid nəslindən olan və yaşıl sehrbazlıq sirlərinə yiyələnən Kenni və Samante onun şər dolu planlarına əngəl olmaq niyyətindədirlər. Yalnız bu cütlük cadugərin qarşısını alıb, bəşəriyyəti xilas edə bilər...
Orijinal adı: The Wolfman
Videokeyfiyyət: 1080p
Məzmun: Bu hadisə İngiltərədə baş verir. Qəhrəman itkin düşmüş qardaşını tapmaq üçün Amerikadan vətəninə qayıdır. Ətrafındakı kəndlərin sakinlərini parçalayan dəhşətli bir varlığın şəhərin kənarında yaşadığı barədə şayiələr yayılır. Tezliklə, qardaşını axtarmağa gələn şəxs işi araşdıran polisin diqqətini çəkir.
Orijinal adı: Real Steel
Videokeyfiyyət: 1080p
Məzmun: Ekran əsərində hadisələr yaxın gələcəkdə baş verir. Zorakılığa qarşı lobbilərin təzyiqlərindən sonra hökumət əlbəyaxa idman yarışları, o cümlədən boksu ləğv edir. Boksçuların əvəzinə rinqə çəkisi bir tona yaxın olan kiberrobotlar çıxır. Belə robotları başlıca olaraq işsiz qalmış boksçular idarə edir. Baş qəhrəman Çarli Kenton hazırda Roboboksda promouter vəzifəsində çalışan keçmiş boksçudur. Zədəli ancaq çox bacarıqlı robotun əlinə keçməsindən sonra nəyahət öz çempionunu tapdığına inanır. Həmçinin, qəhrəmanın qarşısına 11 yaşlı istedadlı oğlan çıxır. Çarli həmin uşağın doğma oğlu olduğunu öyrənir. Onların hazırladığı robot zirvələri fəth etdiyi bir vaxtda, Çarli bu illər ərzində varlığından xəbərsiz olduğu uşağa atalıq etməyi öyrənir...
Orijinal adı: The Jackal
Videokeyfiyyət: 1080p
Məzmun: ABŞ-ın Federal Təhqiqatlar Bürosu (FTB) Rusiyanın Daxili İşlər Nazirliyi ilə birgə Terek adlı nüfuzlu rusiyalı cinayətkarı tutmaq üçün əməlliyyat keçirir. Ancaq saxlanılan zaman o həlak olur. Onun qanını yerdə qoymayacağına and içən qardaşı qisas məqsədilə “Çaqqal” adlı muzdlu qatili tutur. Sonuncu dərhal əməliyyata hazırlaşmağa başlayır. Xüsusi agentlər onun FTB direktoru Donald Brauna sui-qəsd hazırladığını öyrənir. Onun qarşısını almaq üçün xüsusi əməliyyat qrupu yaradılır. FTB öyrənir ki, “Çaqqalı” üzdən yalnız 6 nəfər tanıyır. Onların 4-ü artıq həyatda deyil. Agentlik keçmiş irland döyüşçü, hazırda həbsdə olan Deklan Malkuinə çıxır. O, sifarişli qatili yaxşı tanıyır və onunla şəxsi ədavətinin olduğuna görə FTB-nin əməkdaşlıq təklifini qəbul edir...
Orijinal adı: Birdman or (The Unexpected Virtue of Ignorance)
Videokeyfiyyət: 1080p
Məzmun: Riqan Tomson vaxtı ilə “Bördmen” (Quş adam) adlı populyar superqəhrəman rolunu oynamış keçmiş məşhur aktyordur. Bu rol ona böyük uğur qazandırsa da, vaxt ötdükcə şöhrətin izi-tozu qalmayıb. Nə vaxtsa onu hər addımbaşı jurnalistlər və fanatları təqib edərdi, onun haqqında populyar kinojurnallarda məqalələr dərc olunardı. Bunların hamısı indi keçmişdə qalıb, onun həyatda olmasını çoxları unudub. Şöhrət zirvəsindən yıxılaraq, kasıb təbəqənin hər gün üzləşdiyi problemlərin girdabında çapalayır. Ancaq günlərin bir günü qəti şəkildə həyatını dəyişmək və əvvəlki şöhrətini qaytarmaq qərarına gəlir. Bunun üçün onu məşhur edən “Quş adam” obrazından istifadə edərək yeni Brodvey tamaşasını səhnəyə qoyur. İndi Riqan tamaşaçıları heyran qoymaq və özünü yenidən onlara sevdirmək üçün əlindən gələni etməlidir.
Orijinal adı: The Loft
Videokeyfiyyət: 1080p
Məzmun: Vinsent, Lyuk, Filipp, Marti və Karis ən yaxın dostlardır. Ailəli olmalarına rəğmən, bir qadın onlara kifayət etmir. Beləcə, həyat yoldaşlarına tez-tez xəyanət edirlər. Dostlar bu eyş-işrət gecələri üçün prestijli küçələrin birində yerləşən hündürmərtəbəli yaşayış binasının çardağında bir otaq kirayəliyirlər. Onlar hər hansı şübhə yaratmadan mənzildə məşuqələri ilə (dostların öz aralarında təyin etdikləri növbəyə uyğun) gecələyirlər. Artıq otellərə əlavə pul ödəməyə, xidmətlər üçün şəxsi plastik kartlarından istifadə etməyə lüzum belə qalmır. Hər şey arzuladıqları kimi davam edirdi, ta ki, mənzildə naməlum qadın meyiti aşkarlanana kimi. Görəsən dostlardan hansı canidir?...
Orijinal adı: Charlie and the Chocolate Factory
Videokeyfiyyət: 1080p
Məzmun: Son dərəcə qeyri-adi quruluşa sahib Uilli Vonkanın şokolad fabriki var. O, özündən sonra fabriki idarə edəcək varis axtarır. Seçim etmək üçün yarışma keçirmək qərarına gəlir. Əvvəlcə öyrədəcək, sonra müəyyən vaxtdan sonra yerini ona təhvil verəcək. Uilli 5 nəfər seçir. Onlardan biri də kasıb bir ailədən çıxan Çarlidir. Onlar digər uşaqlarla birlikdə şokolad fabrikini gəzməyə başlayırlar. Çarlinin orada gördükləri onu çox təəcübləndirir və Vonkanın xəyal dünyasına aparır.
Orijinal adı: The Grey
Videokeyfiyyət: 1080p
Məzmun: Neftçilər briqadası evə qayıdır. Hər birinin öz həyatı, öz qorxuları və öz taleyi var. Baş qəhrəman onları müşayiət edən keçmiş snayper və ovçudur. Fəhlələrin həyatına təhlükə yaradan canavarları zərərsizləşdirir. Yalnız öz işində təskinlik tapan Con sevimli həyat yoldaşının ölümü ilə barışa bilmir, ağlından intiharla bağlı fikirlər keçir. Növbəti səfərlərin birində briqadanı daşıyan təyyarə Alyaskada qəzaya uğrayır. Qəzadan yalnız səkkiz nəfər, o cümlədən Con sağ çıxır. Sivilizasiyadan kilometrlərlə uzaqda – qarlı səhrada ayılan sərnişinlər qida çatışmazlığı və sərt hava şəraitində həyat uğrunda mübarizə aparmalıdır. Öz qorxularına sinə gərməyə çalışan didərginlər, eyni zamanda qana susamış canavar dəstəsi tərəfindən təqib olunur....
Orijinal adı: Heat
Videokeyfiyyət: 1080p
Məzmun: Nil MakKoli cinayətkardır. Nəinki Los Ancelesdə, heç bütün Amerikada onunla bacaran olmayıb. Dünyanın ən güclü peşəkarları onunla işləmək üçün növbəyə yazılırlar. Lakin onun da “başını ağrıda biləcək” şəxs var. Bu, detektiv Vinsent Hannadır. Nil kimi o da öz işinin bir nömrəli peşəkarıdır. İkisi də prinsipial və ağıllıdır. Aralarında bir fərq var: Nil şərdirsə, Vinsent xeyrin tərəfindədir. Amma iki qoçun başı bir qazanda qaynamaz. Tərəflər arasında ölüm-dirim qarşıdurması başlayacaq.
Orijinal adı: Spy Kids 2: Island of Lost Dreams
Videokeyfiyyət: 1080p
Məzmun: Cuni və onun böyük bacısı Karmen bacarıqlı casus olduqlarını isbat ediblər. Onlar artıq Supercasus Təşkilatının peşəkar agentləridirlər. Daha tapşırıqları onların valideynləri Qreqorio və İnqrid deyil, özləri yerinə yetirirlər. Qurumun rəhbərliyi onları müxtəlif qorxulu məxluqlar yaradan gen mühəndisinin olduğu sirli adaya göndərir. Cuni və Karmen dəlisov alimi dayandırmalıdır, ancaq bu tapşırıqda onların yeni rəqibləri ortaya çıxıb. Geri və Görti Qiqlz təşkilatın yeni direktorunun uşaqlarıdır. Tapşırıqları müstəsna olaraq iş xatirinə yerinə yetirirlər, ailə münasibətlərinə isə ümumiyyətlə əhəmiyyət vermirlər. Hər iki casus duetin bir hədəfi var: dünyanı uçuruma doğru sürükləyəcək xüsusi cihaz məhv edilməlidir.
Orijinal adı: Spy Kids
Videokeyfiyyət: 1080p
Məzmun: Dünyadakı iki ən yaxşı casus Qreqorio Kortes və İnqridin eyni gizli tapşırığı var: onlar da bir-birini məhv etməlidirlər. Ancaq şəxsi görüşlər onlara yaxşı bir şey gətirmir: onlar evlənirlər və... bir neçə ildən sonra isə "oyuna" qayıtmaq məcburiyyətində qalırlar. Keçmiş peşəkar həmkarları tək-tək itməyə başlayır. Ancaq Korteslərin özlərini də oğurlayırlar. İndi əsirlərin taleyi uşaqlardan asılıdır.
Orijinal adı: Jack Ryan: Shadow Recruit
Videokeyfiyyət: 1080p
Məzmun: Cek Rayan Mərkəzi Kəşfiyyat İdarəsinin sıravi əməkdaşlarından biridir. Günlərini ofisdə məxfi sənəd qalaqları arxasında keçirir. Günlərin bir günü onu ən adi tapşırıqla Moskvaya ezam edirlər. Rusiya paytaxtında yerli milyarder Viktor Çerevinin sahib olduğu şirkətin şübhəli maliyyə əməliyyatlarını araşdırmalıdır. Ancaq sadə görünən tapşırıq ən çətin missiyaya çevrilir. Naməlum insanlar Rayanı aradan götürməyə çalışır. İndi o, hərbi xidmət keçən zaman sağ-qalmaqla bağlı keçdiyi təlimi xatırlayıb, onu real şəkildə tətbiq etməlidir. Onun çiyinlərinə yalnız elit xüsusi agentlərin həyata keçirə biləcəyi missiya düşüb. Bu işdə ona yalnız peşəkar kəşfiyyatçı və sevimli həyat yoldaşı kömək edəcək...
Orijinal adı: Jack Reacher
Videokeyfiyyət: 1080p
Məzmun: Naməlum atıcı bir neçə sadə vətəndaşı öldürür. Onu tapıb həbs edirlər. Bütün dəlillər ona işarə edir. Sorğu zamanı günahını boynuna almaq yerinə, o, Cek Riçer adını yazır. O, başqa heç nə deyə bilmir, çünki məhbuslar tərəfindən döyülərək komaya düşür. Sirli Cek Riçer qəfil peyda olur. Qatilin sonu necə olacaq ?
Orijinal adı: The Cobbler
Videokeyfiyyət: 1080p
Məzmun: Maks Simkin Nyu Yorkda yaşayan və işləyən orta yaşlı çəkməçidir. Yolun kənarında yerləşən kiçik emalatxana ona atasından miras qalıb. Maks hafizəsində problemlər olan qoca anası ilə bir evdə qalır, yeganə dostu qonşu obyekti işlədən bərbər Cimmidir. Həyatından razı olmasa da, onu dəyişmək üçün əlindən heç bir iş gəlmir. Ancaq bir gün emalatxananın zirzəmisində ulu babasından qalan qədim tikiş maşınını aşkarlayır. Onu iş başında sınaqdan keçirməklə möcüzəvi xüsusiyyətə malik olduğunu öyrənir. Maks həmin cihazla tikdiyi ayaqqabını geydikdə onun sahibinə dönə bilir. Müştərilərinin sifarişlərini qəbul etməklə uğurlu biznesmendən tutmuş, ehtiraslı gözəlçəyə kimi müxtəlif insanların xarici görünüşlərini “oğurlayır”. Görəsən tapdığı yeni “oyuncaq” melanxolik Maksın həyatına səadət gətirə biləcəkmi?...
Orijinal adı: The Quick and the Dead
Videokeyfiyyət: 1080p
Məzmun: Con İrod güc hesabına balaca şəhərin meri postunu zəbt etmiş ən sərrast atıcı və vicdansız quldurdur. Bir gün Vəhşi Qərbin ən yaxşı atıcısını müəyyən etmək üçün özünə güvənən hər kəsi təşkil etdiyi duel turnirində iştirak etməyə dəvət edir. Turnirin mükafat məbləği həmin dönəmlər üçün inanılmaz məbləğ sayılan 123 min dollar təşkil edir. Birincilik haqqında xəbər yayılan kimi şəhərə ştatların ən cəld atıcılarının axını başlayır. İştirakçılar arasında İrodun nikahdankənar oğlu serjant Klay Kantrell, Ellen adlı qadın atıcı, "Xallı at" ləqəbli hindu, Tuz Henlon, merin düşməni sayılan "Köstəbək" ləqəbli keşiş və digərləri yer alır. Con İrod çoxlarının əslində iriməbləğli mükafata görə yox, onunla “hesablaşmaq” niyyəti ilə duelə çıxdığını yaxşı bilir. Ancaq zalım mer ən sərrast atıcı olduğuna əmindir. Rəqiblərini bir-bir turnirdən kənarlaşdıran İrod finalda nikahdankənar oğlu ilə üz-üzə gəlir...
Orijinal adı: Jerry Maguire
Videokeyfiyyət: 1080p
Məzmun: Nüfuzlu idman agenti Cerri Maquayer rəhbərliklə arasında düşən ixtilafdan sonra tutduğu vəzifədən kənarlaşdırılır. O, şəxsi şirkətini açır. Yalnız 2 nəfər onun uğur qazanacağına inanır: sevgilisi Doroti və istedadlı, lakin kifayət qədər qəzəbli olan idmançı Rod Tidvell. Qarşılaşdığı heç bir çətinlik Cerrini sındırmır. O, gələcəyə nikbin baxır və hər şeyin yaxşı olacağına əmindir. Ancaq keçmiş əməkdaşları onunla ədalətsiz rəqabət aparır, istədiklərinə nail olmaq üçün ən çirkin vasitələrə əl atırlar. Maquayer yaxşı anlayır ki, bu dəfə də məğlub olsa, bir daha ayağa qalxa bilməyəcək...
Orijinal adı: The Body
Videokeyfiyyət: 1080p
Məzmun: Əsrin sonunda, dinin qədim beşiyi Qüdsdə iki fərqli insan həqiqət və iman axtarışında güclərini birləşdirir. Vatikanın elçisi müqəddəs ata Mett Quterres və İsraildən olan bir qadın arxeoloq Şaron Qoldban qeyri-adi bir tapıntını araşdırırlar. Şaron köhnə Qüds küçəsindəki kiçik bir dükanın arxasında çarmıxa çəkilmiş bir adamın qalıqları olan qədim məzar tapır. Bütün əlamətlər onu inanılmaz bir kəşfə aparır: qədim skelet Yusifin oğlu İsaya məxsusdur. Siyasətçilər, din xadimləri, dini fanatiklər və ekstremistlər ilə toqquşmada mütləq həqiqətin axtarışı üçün ağır mübarizə gedir.
