Orijinal adı: Spy Kids 2: Island of Lost Dreams
Videokeyfiyyət: 1080p
Məzmun: Cuni və onun böyük bacısı Karmen bacarıqlı casus olduqlarını isbat ediblər. Onlar artıq Supercasus Təşkilatının peşəkar agentləridirlər. Daha tapşırıqları onların valideynləri Qreqorio və İnqrid deyil, özləri yerinə yetirirlər. Qurumun rəhbərliyi onları müxtəlif qorxulu məxluqlar yaradan gen mühəndisinin olduğu sirli adaya göndərir. Cuni və Karmen dəlisov alimi dayandırmalıdır, ancaq bu tapşırıqda onların yeni rəqibləri ortaya çıxıb. Geri və Görti Qiqlz təşkilatın yeni direktorunun uşaqlarıdır. Tapşırıqları müstəsna olaraq iş xatirinə yerinə yetirirlər, ailə münasibətlərinə isə ümumiyyətlə əhəmiyyət vermirlər. Hər iki casus duetin bir hədəfi var: dünyanı uçuruma doğru sürükləyəcək xüsusi cihaz məhv edilməlidir.
Orijinal adı: Dragonfly
Videokeyfiyyət: 1080p
Məzmun: Həkim Co Derrounun həyat yoldaşı Emi Venesuelada avtomobil qəzasında faciəvi şəkildə həyatını itirir. Avtobus çaya aşdığından onun ölüsü və ya dirisi tapılmır. Uzun müddət depressiya keçirən Co özündə güc toplayaraq, Emini ağlından çıxarmağa çalışır. Ancaq bu onda o qədər də yaxşı alınmır. Gözünə qarabasmalar görünür, qorxulu yuxular ondan əl çəkmir. Eminin ruhunun onunla əlaqə yaratmaq istədiyini bildirsə də, heç kim onun sözlərinə inanmır. Həmkarları bu gedişlə onun gec-tez dəli olacağını düşünür. Qarabasmaların təxəyyülünün oyunu, yoxsa həqiqətən bərzəx aləmindən gələn ismarıclar olduğunu müəyyən etmək üçün Venesuelaya – qəza yerinə yollanmaq qərarına gəlir...
Orijinal adı: John Q
Videokeyfiyyət: 1080p
Məzmun: Con Kyu Çikaqodan olan qayğıkeş ailə başçısıdır. Ağır zəhməti ilə birtəhər ailəsini dolandırır. Ancaq bir gün xəstəxanadan daxil olan acı xəbər onun gələcəklə bağlı bütün planlarını alt-üst edir. Onun oğluna ürək çatışmazlığı diaqnozu qoyulur. Ən qısa zamanda ona donor ürəyi köçürülməsə, sağ qala bilməyəcək. Conun tibbi sığortası bu cür bahalı əməliyyatı əhatə etmir. Köçürmə əməliyyatı yüz min dollardan da baha başa gəlir. Ona görə də oğlunun adı uzun donor növbəsinə düşür. Conun gözləməyə vaxtı yoxdur. Ona görə atalıq instinkti işə düşür və Con ən qəti ölçülərə əl atır. Oğluna sağlam ürəyin köçürülməsi üçün canından belə keçməyə hazırdır...
Orijinal adı: The Bourne Identity
Videokeyfiyyət: 1080p
Məzmun: İtaliyalı balıqçılar Aralıq dənizinin sularında huşsuz vəziyyətdə naməlum bir adam tapır. Göyərtəyə qaldırdıqları həmin şəxsin bədənində iki güllə yarası var, buduna isə İsveçrə bankındakı hesab nömrəsinin yazıldığı kapsula implantasiya olunub. Naməlum şəxs özünə gələn zaman kim olduğunu və başına nə gəldiyini yada sala bilmir. Lakin bir neçə dildə səlis danışa bilir və bir sıra digər inanılmaz bacarıqlara malikdir. Sürixdə olan bank hesabından pul çıxardıqdan sonra əsl adının Ceyson Born olduğunu öyrənir. Lakin bunun onun həqiqi adı olub-olmadığını dəqiq bilmir. İtirilmiş yaddaş zəncirlərini bir-bir toplayan Born Parisdə qaldığı mənzili tapır. Mənzilə ayaq basması böyük səhv olur. Çünki Bornu zərərsizləşdirmək əmri almış peşəkar qatil pusqudadır. Born nəyin nə yerdə olduğunu müəyyən etmək və kimlərin onun qətlində maraqlı olduğunu bilmək üçün mütləq keçmişi xatırlamalıdır. Bunun üçün təsadüfən tanış olduğu və ona kömək edən alman tələbə Merinin dəstəyinə ehtiyacı var.
Orijinal adı: Антикиллер
Videokeyfiyyət: 1080p
Məzmun: Cinayət axtarış idarəsinin sabiq əməkdaşı Mayor Korenyov törətmədiyi əmələ görə mühakimə olunur. Azadlığa çıxdıqdan sonra baş qəhrəman doğma şəhərinə qayıdır. Ata yurdunda cinayətkarlığın tüğyan etdiyinin şahidi olur. Hərcmərclik, qanunsuzluq və dostlarının ölümü ilə qarşılaşan Korenyov öz unikal metodları ilə şəhərdə asayişi bərpa etmək və qanunun aliliyini təmin etmək niyyətindədir.
Orijinal adı: American Psycho II: All American Girl
Videokeyfiyyət: 1080p
Məzmun: Reyçel oxuduğu kollecin ən uğurlu tələbələrindəndir. Federal Təhqiqatlar Bürosunun keçmiş agenti və silsilə qətllər üzrə ekspert professor Robert Starkmanın mühazirələrində iştirak etməyi çox sevir. Starkman Patrik Beytmen adlı manyakın müəmmalı qətli ilə bağlı istintaqın daşa dirənməsindən sonra peşəsini dəyişmək məcburiyyətində qalıb. Reyçelin ən böyük arzusu professor Starkmanın assistenti vəzifəsində çalışmaqdır. Boş qalan vəzifəyə namizəd olan bəxtəvərin adını professor gələn həftə elan edəcəyini bildirir. Reyçel nə qədər savadlı və zirək olsa da, onun ciddi rəqibləri ortaya çıxır. Rəqabətdə qalib gəlmək üçün ən qatı ölçülərə əl atır. Bütün namizədləri bir-bir aradan götürmək qərarına gəlir. Onun ilk hədəfi professorla gizli eşq macərası yaşayan Kassandra adlı tələbə olur...
Orijinal adı: White Oleander
Videokeyfiyyət: 1080p
Məzmun: İnqrid Maqnussen 15 yaşlı qızı Astridi müstəqil şəkildə böyüdür. Astrid hər şeydə gözəl, azad ruhlu və güclü xarakterli anasına oxşamağa çalışır. Ancaq günlərin bir günü İnqridin qurduğu bu dünya uçuruma yuvarlanır. O, Barri Kolker adlı kişiyə vurulsa da, sevginin ömrü uzun sürmür. Kolker onu ataraq, pis vəziyyətdə qoyur. Bundan hiddətlənən İnqrid sevgilisini zəhərləməklə ondan qisas alır. Bir neçə gündən sonra evin qapısını polis döyür və İnqrid həbsxanaya atılır. Nəticədə kimsəsiz qalan Astrid yad bir ailəyə düşür, bir neçə uşaq və sevgilisi Reylə balaca evdə qalan Starr Tomas onu qəyyumluğa götürür. Əvvəl hər şey yaxşı gedir, İnqrid ailəyə yaxşı adaptasiya olur. Ancaq tədricən Astrid və Rey arasında bir-birinə qarşı sevgi hissləri oyanır. Starrın qısqanclığı o səviyyəyə çatır ki, Astrid ölümcül güllə yarası ilə xəstəxanalıq olur...
