Orijinal adı: John Wick: Chapter 3 - Parabellum
Videokeyfiyyət: 1080p
Məzmun: Kriminal aləmdə Con Uik adı hamıya tanışdır. O, hər zamanı işini axıra çatdıran, dəyişməz prinsiplərinə sadiq soyuqqanlı super-killerdir. Sui-qəsdlə bağlı sifarişləri ondan yaxşı yerinə yetirən yoxdur. Çoxları Con Uikdən qorxur, ona hörmət edir. Gəl ki, vicdanını itirmiş, öz iyrənc əməllərinə görə məsuliyyətdən boyun qaçıran şəxslərə görə kriminal aləmdə tez-tez münaqişələr düşür və bəzən bu münaqişələr baş qəhrəmandan da yan keçmir. Nüfuzlu bir şəxslə Con Uik arasında düşən ədavət onun “killer kodeks"ini pozması ilə nəticələnir. İndi Con özü peşəkar qatillərin hədəfinə düşüb. O, artıq bir nömrəli "şikar"dır. Belə ki, onun başına nə az, nə çox 14 milyon dollar mükafat qoyulub....
Orijinal adı: Triple Threat
Videokeyfiyyət: 1080p
Məzmun: Çin oliqarxının varisi Tyan Syaosyan Tailanda gəlir. Gənc xanım atasının ölümündən sonra ona miras qalan vəsaiti ölkədə cinayətin kökünün kəsilməsinə yönəltmək niyyətindədir. Bu heç də yerli cinayətkar sindikatların ürəyincə deyil. Onlar kriminal avtoritet Kollinz və onun muzdlu qatillərdən ibarət silahdaşlarına Syaosyanı aradan götürməyi tapşırırlar. Syaosyanın həyatı böyük təhlükə altındadır. Ancaq üç cəsur döyüşçü - çinli Fen, tailandlı Pay və indoneziyalı Caka onun müdafiəsinə qalxır. Hər biri Kollinz və onun başkəsənlərindən yanıqlı olduğundan, Syaosyanla maraqları üst-üstə düşür…
Orijinal adı: Angel of Mine
Videokeyfiyyət: 1080p
Məzmun: Doğum evində baş verən dəhşətli yanğın nəticəsində Lizzi yeni doğulmuş qızını itirir. Övlad dərdi onun mənəvi durumuna və psixikasına ciddi təsir göstərir. Depressiyaya düşən Lizzi özünə qapanaraq həyat yoldaşından ayrılır, məktəbli oğlu Tomasa lazımi qayğını göstərmir. Günlərin bir günü Lola adlı gözəl bir qıza rast gəlir. İnanılmaz oxşarlıqlara görə Lizzi onun ölmüş bildiyi qızı olduğunu sanır. O, qızın ailəsi ilə tanış olmaq üçün bir bəhanə axtarmalı olur...
Orijinal adı: Long Shot
Videokeyfiyyət: 1080p
Məzmun: Fred Flarski istedadlı, azad ruhlu jurnalistdir. Əməkdaşlıq etdiyi redaksiyalara tez-tez baş ağrıları yaradır. Şarlotta Fild isə dünyanın ən nüfuzlu qadınlarındandır. Ağıllı, oturub-duruşunu bilən, hazırcavab bu siyasətçi xanım prezidentliyə namizədliyini irəli sürüb. Onları birləşdirən yeganə şey, Şarlottanın uzun illər əvvəl Fredin dayəsi olmasıdır. Şarlotta həm də Fredin ilk məhəbbətidir. Günlərin bir günü onlar təsadüfən bir-birilə rastlaşır. Fred Şarlottanı “tilsimləməyi” bacarır və sonuncu çox düşünüb-daşınmadan Fredi şəxsi spiçrayteri (siyasi nitqləri və platformaların mətnlərini yazan şəxs) kimi öz seçki kampaniyasına cəlb edir. Onların bir-birinə qovuşması başgicəlləndirici və beynəlxalq miqyasda təhlükəli hadisələr zəncirini işə salacaq...
Orijinal adı: Once Upon a Time in... Hollywood
Videokeyfiyyət: 1080p
Məzmun: Filmdə məşhur serialda oynamış televiziya aktyorunun film dünyasına girməyə çalışmasından bəhs edilir. Rik Dalton televiziyada fəaliyyət göstərən film aktyorudur. Dalton vestern janrında olan uğurlu bir serialda iştirak edib. Ancaq o, özünü televiziyadan uzaqlaşdırıb film dünyasına addım atmaq istəyir. Onun dublyoru olan Kliff But isə onu bu mövzuda dəstəkləyir. Ancaq ikilinin yaşlanması ilə əlaqədar Hollivuddakı şansları da azalmaqdadır. Hollivudun yeni favoritlərindən biri rejissor Roman Polanskinin həyat yoldaşı Şaron Teyt Rikin qonşusudur. Ancaq Hollivudun parlaq və ehtiyatsız axını Teyt və onun dörd dostunun Çarls Menson təriqəti tərəfindən öldürülməsi ilə kəsiləcək ...
Orijinal adı: Us
Videokeyfiyyət: 1080p
Məzmun: Uilsonlar ailəsi yay tətilini əyalətdə keçirmək qərarına gəlir. Göl qırağındakı kottecə yerləşdikdən sonra ailəvi dost olduqları Taylerlərlə çimərlikdə görüşürlər. Qızmar günəş altında, bir kölgədə dincələn zaman Adelaid Uilson özünü pis hiss etməyə başlayır, ürəyinə pis-pis fikirlər damır. Altıncı hissi ona təhlükənin çox yaxın olduğunu deyir. Əri Qeybi də dilə tutub kottecə qayıdırlar. Hava qaralmağa başlayanda Adelaidin narahatlıqları daha da artır. O, ərini dilə tutub şəhərə geri dönmələrini xahiş edir. Vəziyyətini izah etmək üçün heç kimə danışmadığı bir uşaqlıq sirrini ona açır. Bu əsnada Adelaidin ən qorxduğu şey baş verir. Evin qarşısında əllərində soyuq silah tutan qırmızı geyimli dörd nəfər peyda olur. Onlar da Uilsonlar kimi bir ailədir: ata, ana, qız və oğul. “Qırmızı geyimlilərin” qapılarına xeyirlə gəlmədiyi heç də sirr deyil....
Orijinal adı: Knives Out
Videokeyfiyyət: 1080p
Məzmun: 85 illik yubileyini ailə üzvləri ilə qeyd edən bestseller detektiv yazıçısı Harlan Trombi növbəti gün öz otağında ölü vəziyyətdə aşkarlanır. Qan sıçrayışı nümunələri üzrə ekspert rəyi, həmçinin heç bir şübhəli məqamın olmaması onun öz boğazını kəsməklə intihar etdiyini deməyə əsas verir. Ancaq sirli müştəri tərəfindən işə cəlb olunan nüfuzlu xəfiyyə Benua Blank məsələnin heç də göründüyü qədər bəsit olmadığını hesab edir. O, yazıçının tamahkar ailə üzvlərindən biri tərəfindən öldürüldüyünü ehtimal edir. Həqiqətin üzə çıxmasında ona mərhumun tibb bacısı və dayəsi olmuş Marta kömək edə bilər...
Orijinal adı: Anna
Videokeyfiyyət: 1080p
Məzmun: Hadisələr 1980-ci illərdə Moskvada cərəyan edir. Fransız model agentliyinin skautu İzmaylov bazarında hər parametrlərə görə onlara uyğun olan Anna adlı qızı tapır. Potensial model bir neçə dil bilsə də bazarda matryoşka satır. Annanı şirnikləndirdikdən sonra onu Parisə aparırlar və o, model kimi fəaliyyət göstərməyə başlayır. Əslinə qalanda onun həqiqi işi fotokameralar önündə poz vermək və ya defilelərdə iştirak etmək deyil. Anna “KQB”yə xidmət edir və Moskvanın əmri ilə konkret adamları aradan götürür...
Orijinal adı: Annabelle Comes Home
Videokeyfiyyət: 1080p
Məzmun: Axirət aləminin şər qüvvələri ilə əlaqə yarada bilən, dünyanın ən təhlükəli kuklası sayılan Annabel artıq qapalı bir məkanda saxlanılır. Onu məşhur cinçıxaran və demonoloq cütlük Ed və Lorrey Uorren zərərsizləşdirib. Annabel ziyanverici mistik gücə malik olan digər medalyonlar və əşyalar kimi Uorrenlərin zirzəmisində, bağlı qapı arxasında yerləşir. Uorrenlərin yeganə övladı on yaşlı Cudi həmin otağa bir dəfə olsun daxil olmayıb. Ancaq onun dayəsinin ərköyün rəfiqəsi Daniela bu yaxınlarda ölmüş atasının ruhu ilə əlaqə yaratmaq niyyəti ilə həmin otağa özbaşına daxil olur. O, bununla “Pandora qutusunun” ağzını açmış olduğundan xəbərsizdir...
Orijinal adı: Alita: Battle Angel
Videokeyfiyyət: 1080p
Məzmun: Filmdə hadisələr uzaq gələcəkdə cərəyan edir. Kiborq-köməkçilərin cəmiyyətə inteqrasiyası və onlardan sui-istifadə halları dünyada qanlı müharibəyə yol açır. Müharibə böyük insan itkisi və dağıntılara səbəb olur. Günlərin bir günü İdo adlı alim xarabalıqdan kiborq qızın qalıqlarını tapır və onu emalatxanasına apararaq yenidən canlandırır. Alimin Alita adını verdiyi kiborq kim olduğunu, ümumiyyətlə keçmişini xatırlamır. Bununla belə o, inanılmaz döyüş sənəti bacarıqlarına malikdir. İdonun köməkliyi ilə Alita hafizəsində ötən hadisələrin zəncirini bərpa edib, özü ilə bağlı həqiqətləri öyrənməyə çalışacaq...
