Orijinal adı: The Grey
Videokeyfiyyət: 1080p
Məzmun: Neftçilər briqadası evə qayıdır. Hər birinin öz həyatı, öz qorxuları və öz taleyi var. Baş qəhrəman onları müşayiət edən keçmiş snayper və ovçudur. Fəhlələrin həyatına təhlükə yaradan canavarları zərərsizləşdirir. Yalnız öz işində təskinlik tapan Con sevimli həyat yoldaşının ölümü ilə barışa bilmir, ağlından intiharla bağlı fikirlər keçir. Növbəti səfərlərin birində briqadanı daşıyan təyyarə Alyaskada qəzaya uğrayır. Qəzadan yalnız səkkiz nəfər, o cümlədən Con sağ çıxır. Sivilizasiyadan kilometrlərlə uzaqda – qarlı səhrada ayılan sərnişinlər qida çatışmazlığı və sərt hava şəraitində həyat uğrunda mübarizə aparmalıdır. Öz qorxularına sinə gərməyə çalışan didərginlər, eyni zamanda qana susamış canavar dəstəsi tərəfindən təqib olunur....
Orijinal adı: The Way Back
Videokeyfiyyət: 1080p
Məzmun: Filmdə hadisələr 1940-cı ildə dünyanın ən ağır rejimli əmək düşərgəsində - Qulaqda baş verir. Məhbusların hər biri bu “cəhənnəmə” İkinci Dünya Müharibəsinin əvvəlində düşüb və müxtəlif maddələr üzrə cəza çəkirlər. Sibirdə dözülməz şaxtalı şəraitdə məcburi əməyə cəlb olunurlar. Altı məhbus günlərinin sonunu bu düşərgədə keçirmək fikrində deyil. Onlar qarşıda ölümcül təhlükələrin - şaxta, ac canavar dəstəsi, aclıq və sair olduğunu yaxşı bilsələr də qaçış planı təşkil edirlər. Azadlığa çıxmaq yanğısı ölüm qorxusuna üstün gəlir. Qaçışın baş tutması üçün onlar ucu-bucağı olmayan tayqadan keçməlidirlər...
Orijinal adı: Fire on the Amazon
Videokeyfiyyət: 1080p
Məzmun: Eliza Rotman gənc fotojurnalistlə birlikdə meşələrin qırılmasının qarşısını almaq üçün hərəkata rəhbərlik edən məşhur bir alimin qatillərini tapmağa çalışır. Onlar, yeganə qanunun zorakılıq və özbaşınalıq olduğu bir ölkədə rüşvətxor polis və məmurlarla mübarizə aparmaq məcburiyyətindədirlər.
Orijinal adı: White Squall
Videokeyfiyyət: 1080p
Məzmun: 1960-cı ildə “Albatros” gəmisini güclü qasırğa bürüyür. Sağ qalan Çak başına gələn hadisələri danışır: Çak və onunla oxuyan tələbələr kapitan Kristofer Şeldonla tanış olurlar. Onlar “Albatros” gəmisində dəniz səyahətinə çıxırlar. Yolboyu gənclər arasında mübahisələr yaranır. Lakin bütün bunlar onları gözləyən təhlükə qarşısında əhəmiyyətsizdir.
Orijinal adı: Adrift
Videokeyfiyyət: 1080p
Məzmun: Film real hadisələr əsasında lentə alınıb. Macəra dolu melodramın baş qəhrəmanları Taitidə tanış olublar. İki gənc arasında dərhal sevgi və ehtiras hissləri oyanır, onlar bahalı yaxtada uzaq dəniz səyahətinə yollanmağa qərar verirlər. Açıq okeana çıxan cütlüyü çoxsaylı təhlükələr və macəralar gözləyir. Sevgililər dənizdə qopan tufanla üz-üzə qalacaq, həyatı davam etdirmək üçün təbii fəlakətlə ölüm-qalım mübarizəsi aparmalı olacaqlar. Ancaq onların sağ qalıb-qalmayacağı, təyinat nöqtəsinə salamat çatıb-çatmayacağı böyük sual altındadır.
Orijinal adı: Australia
Videokeyfiyyət: 1080p
Məzmun: Ekran əsərində hadisələr Avstraliyada İkinci Dünya müharibəsi ərəfəsində cərəyan edir. İngilis kübar ailəsinin nümayəndəsi Sara Eşliyə Amerika ştatı böyüklüyündə torpaq sahəsi olan ranço (ferma) miras qalır. Onun mülkiyyətinə keçmiş torpaqlar və mal-qara dərhal acgöz qonşu mülkədarların maraq obyektinə çevrilir. Mülkünü itirməmək üçün Sara 2 min baş mal-qaranı minlərlə kilometr uzaqlıqda olan Darvin şəhərinə qovmalıdır. Bu işdə ona yalnız yaraşıqlı və güclü Drover köməklik edə bilər. Uzaq və keşməkeşli yol boyu onlar müxtəlif macəralarla üzləşir və dostlaşırlar. Onlar Darvinə, yapon qüvvələrinin şəhəri bombaladığı bir vaxtda gəlib-çatırlar.
Orijinal adı: Alpha
Videokeyfiyyət: 1080p
Məzmun: Filmdəki hadisələr uzaq keçmişdə cərəyan edir. İyirmi min il əvvəl bizim planet son dərəcə soyuq və yaşayış üçün demək olar ki, əlverişsiz idi. Bəşər övladını hər addımbaşı ölüm təhlükəsi gözləyirdi. Qəbilənin yeniyetmə üzvü ov zamanı uçuruma yuvarlanaraq, vəhşi təbiətlə təkbətək qalır. Köməyin gələcəyinə heç bir ümidi yoxdur. Qorxularına sinə gəlmək məcburiyyətindədir. Sağ qalmaq və qəbiləsinə aparan yolu tapmaq üçün əlindən gələni etməlidir. Bütün bəşəriyyətin aqibəti məhz bu səyahətdən asılı olacaq...
Orijinal adı: Alman klinikasına şəxsi səfər
Videokeyfiyyət: 1080p
Orijinal adı: Around the World in 80 Days
Videokeyfiyyət: 1080p
