Orijinal adı: This Means War
Videokeyfiyyət: 1080p
Məzmun: Mərkəzi Kəşfiyyat İdarəsinin iki məxfi agenti bir-birilə möhkəm dost olan Franklin Foster və Tak Henson Honq-Konqa ezam olunur. Onların başlıca hədəfi yeni əməliyyatı üçün kütləvi şəkildə silah-sursat alan Henrix adlı beynəlxalq terrorçunun planlarını alt-üst etməkdir. Ancaq Henrixin qardaşının öldürülməsi və onun aradan çıxması ilə missiya iflasa uğrayır. Henrix üçün qardaşının qisası artıq əsas prioritetə çevrilir, uğursuzluğa düçar olan agentlər isə ABŞ-a qayıdır və həyatları təhlükədə olduğundan gizli məkana göndərilirlər. Franklinə verilmiş qondarma şəxsiyyətə əsasən o, kruiz tipli gəminin kapitanıdır, Tak isə müvəqqəti olaraq turistik agentə çevrilib. Bekarçılığı “öldürmək” üçün Tak tanışlıq saytına daxil olub, Loran Skott adlı qızla tanış olur. Loran məhsulların sınaqdan keçirilməsi üzrə mütəxəssisdir. Görüşdən sonra onlar ümumi dil tapırlar. Bir müddətdən sonra Franklin dostunun sevgilisi ilə tanış olur və onunla mazaqlaşmağa başlayır. Nəticədə özləri də bilmədən məhəbbət üçbucağına baş vururlar. Hər ikisi Lorana dəlicəsinə aşiq olub və məhəbbət həm dostluğa, həm də peşəkarlığa üstün gəlib. İndi son seçimi Loran etməlidir...
Orijinal adı: That Awkward Moment
Videokeyfiyyət: 1080p
Məzmun: İstirahət zamanı 18 yaşlı cazibədar gözəlçə 42 yaşlı ataya aşiq olur. Əgər gözəl qızın aşiq olduğu kişinin dostu qızın çox sərt və ciddi atası olmasaydı, hər şey qaydasında olardı... O, sevimli qızına bir addım belə yanaşan hər kəsi öldürməyə hazırdır...
Orijinal adı: Dumb and Dumber
Videokeyfiyyət: 1080p
Məzmun: Lloyd Krismas və Harri Dann adlı iki ağıldankəm Meri Suonson adlı gözəlçəyə itirdiyi diplomat-çemodanı qaytarmaq üçün yola çıxır. Axmaqlar bilmir ki, Meri onu bilərəkdən yerə atıb gedib və həyat yoldaşını qaçıran quldurların tələb etdiyi böyük məbləğdə pulu diplomata qoyub. Onlar Amerikaboyu Roy Aylenddən Koloradoya qədər gəlirlər, nəhayət füsunkar Merini tapırlar. Lloyd artıq ona bir könüldən min könülə aşiq olub...
Orijinal adı: Le sens de la fête
Videokeyfiyyət: 1080p
Məzmun: Şənlik təşkilatçısı Maks 17-ci əsrə aid qəsrdə toy keçirməlidir. O, hər şeyə - banketə, fotoqraflara, aşpazlara və ofisiantlara cavabdehdir. Maksın bu sahədə böyük təcrübəsi var və məsuliyyətli insan olaraq hər zaman işini möhkəm tutur, personalın fəaliyyətini düzgün əlaqələndirir. Ancaq onun ağlına da gələ bilməzdi ki, növbəti toyda hər şey baş-ayaq olacaq. Toya başqa musiqiçilər gəlir, ofisiant çatışmır, mətbəxi xaos bürüyür, qonaqlar arasında dava düşür, qədim qəsrin üzə çıxan çoxsaylı problemləri isə onun ən qorxulu yuxusuna çevrilir.
Orijinal adı: Just My Luck
Videokeyfiyyət: 1080p
Məzmun: Manhettenin cazibədar sakini Eşli ətrafda ən bəxtəvər qız kimi tanınır. Lakin bəxtsiz oğlanın biri ilə öpüş onun bəxtini alt-üst edir. İndi uğur ona arxasını çevirərək uğursuz oğlana tərəf yönəlir. Eşli öz bəxt öpüşünü geri qaytarmağa çalışacaq.
Orijinal adı: Dieses bescheuerte Herz
Videokeyfiyyət: 1080p
Məzmun: Lenni təmbəl və məsuliyyətsiz gəncdir, günlərini dostları ilə çılğın şənliklərdə keçirir. Gələcək aqibəti onu ümumiyyətlə düşündürmür. Belə ki, bütün xərclərini atası öz üzərinə götürüb. Onun olduğu şəhərdə faktiki olaraq bütün günlərini evdə keçirən 15 yaşlı yeniyetmə Devid yaşayır. Ürəyində anadangəlmə qüsur olduğundan, həmyaşıdları kimi gənclik həyatının dadını çıxara bilmir. Həkimlər onun səhhəti ilə bağlı heç də ürəkaçan proqnozlar vermir. Devidin ölümünə sayılı günlər qalıb. Lenninin atası oğlunun tüfeyli həyatından cana gələrək, ona Devidin qeydinə qalmağı tapşırır. Lenni və Devid həmxasiyyət olmasalar belə, qısa zamanda ən yaxın dostlara çevrilirlər. Devid fiziki məhdudiyyətli dostuna həyatdan ləzzət almağı öyrədir, Lenni isə əksinə onu məsuliyyətli olmağa vadar edir...
Orijinal adı: Going in Style
Videokeyfiyyət: 1080p
Məzmun: Köhnə dostlar - Villi, Co və El pensiya yaşına baxmayaraq, həyatlarında ilk dəfə pensiya yığımını geri almaq üçün doğru yoldan dönməyə qərar verirlər. Ömrünün sonunda bir qəpiyi də olmayacağını anlayan yaşlı üçlük hər şeyi riskə atır və pullarını mənimsəyən bankı soymağa qərar verir.
Orijinal adı: Le fabuleux destin d'Amélie Poulain
Videokeyfiyyət: 1080p
Məzmun: Ameli adlı gülərüz və mehriban qız öz qəribə xəyallar aləmində yaşayır. Onun ağlından həmişə insanlara yardım etməklə bağlı fikirlər keçir, bu istiqamətdə özlüyündə müxtəlif planlar cızır. Ətrafında olan, rast gəldiyi insanlara sevgi bəxş etməyə çalışır, həyatlarının daha yaxşı olması üçün əlindən gələni edir. Məqsədi insanların gündəlik həyatından yorucu “boz” çalarları kənarlaşdırıb, bir qədər rəng qatmaqdır. Günlərin bir günü Ameli onun kimi düşünüb-hərəkət edən, həmxasiyyət olan yaraşıqlı bir oğlana rast gəlir....
Orijinal adı: Long Shot
Videokeyfiyyət: 1080p
Məzmun: Fred Flarski istedadlı, azad ruhlu jurnalistdir. Əməkdaşlıq etdiyi redaksiyalara tez-tez baş ağrıları yaradır. Şarlotta Fild isə dünyanın ən nüfuzlu qadınlarındandır. Ağıllı, oturub-duruşunu bilən, hazırcavab bu siyasətçi xanım prezidentliyə namizədliyini irəli sürüb. Onları birləşdirən yeganə şey, Şarlottanın uzun illər əvvəl Fredin dayəsi olmasıdır. Şarlotta həm də Fredin ilk məhəbbətidir. Günlərin bir günü onlar təsadüfən bir-birilə rastlaşır. Fred Şarlottanı “tilsimləməyi” bacarır və sonuncu çox düşünüb-daşınmadan Fredi şəxsi spiçrayteri (siyasi nitqləri və platformaların mətnlərini yazan şəxs) kimi öz seçki kampaniyasına cəlb edir. Onların bir-birinə qovuşması başgicəlləndirici və beynəlxalq miqyasda təhlükəli hadisələr zəncirini işə salacaq...
Orijinal adı: Analyze This
Videokeyfiyyət: 1080p
Məzmun: Pol Vitti Nyu York mafiozudur. Ona qarşı hazırlanan sui-qəsd nəticəsində ən yaxın dostunu itirən Pol emosional stress keçirib. Mafioz olmaq elə də asan məsələ deyil. Günlərin bir günü uğursuz psixoanalitik Ben Sobelin avtomobili kriminal avtoritetin maşını ilə toqquşur. Əsəb gərginliyi keçirən Vittiyə yardım etmək üçün dostları onu Sobelə müraciət etməyə razı salır. Elə bundan sonra onun adət etdiyi həyat tərzi tam dəyişir...
Orijinal adı: Бриллиантовая рука
Videokeyfiyyət: 1080p
Məzmun: Sakit, sadəlövh sovet vətəndaşı Semyon Semyonoviç Qorbunkov turist səfəri zamanı kriminal avantüranın episentrinə düşür. Cinayətkarlar onu öz adamları kimi başa düşüb brilyantları onun gipsinə bükürlər. Əsl qaçaqmalçı Qraf isə Qorbunkovla eyni teploxodda üzür. Əmanəti səhv adama "yüklədiklərini" görən cinayətkarlar Qorbunkovun dalınca düşürlər.
