Orijinal adı: The Jackal
Videokeyfiyyət: 1080p
Məzmun: ABŞ-ın Federal Təhqiqatlar Bürosu (FTB) Rusiyanın Daxili İşlər Nazirliyi ilə birgə Terek adlı nüfuzlu rusiyalı cinayətkarı tutmaq üçün əməlliyyat keçirir. Ancaq saxlanılan zaman o həlak olur. Onun qanını yerdə qoymayacağına and içən qardaşı qisas məqsədilə “Çaqqal” adlı muzdlu qatili tutur. Sonuncu dərhal əməliyyata hazırlaşmağa başlayır. Xüsusi agentlər onun FTB direktoru Donald Brauna sui-qəsd hazırladığını öyrənir. Onun qarşısını almaq üçün xüsusi əməliyyat qrupu yaradılır. FTB öyrənir ki, “Çaqqalı” üzdən yalnız 6 nəfər tanıyır. Onların 4-ü artıq həyatda deyil. Agentlik keçmiş irland döyüşçü, hazırda həbsdə olan Deklan Malkuinə çıxır. O, sifarişli qatili yaxşı tanıyır və onunla şəxsi ədavətinin olduğuna görə FTB-nin əməkdaşlıq təklifini qəbul edir...
Orijinal adı: Jack Ryan: Shadow Recruit
Videokeyfiyyət: 1080p
Məzmun: Cek Rayan Mərkəzi Kəşfiyyat İdarəsinin sıravi əməkdaşlarından biridir. Günlərini ofisdə məxfi sənəd qalaqları arxasında keçirir. Günlərin bir günü onu ən adi tapşırıqla Moskvaya ezam edirlər. Rusiya paytaxtında yerli milyarder Viktor Çerevinin sahib olduğu şirkətin şübhəli maliyyə əməliyyatlarını araşdırmalıdır. Ancaq sadə görünən tapşırıq ən çətin missiyaya çevrilir. Naməlum insanlar Rayanı aradan götürməyə çalışır. İndi o, hərbi xidmət keçən zaman sağ-qalmaqla bağlı keçdiyi təlimi xatırlayıb, onu real şəkildə tətbiq etməlidir. Onun çiyinlərinə yalnız elit xüsusi agentlərin həyata keçirə biləcəyi missiya düşüb. Bu işdə ona yalnız peşəkar kəşfiyyatçı və sevimli həyat yoldaşı kömək edəcək...
Orijinal adı: Jack Reacher
Videokeyfiyyət: 1080p
Məzmun: Naməlum atıcı bir neçə sadə vətəndaşı öldürür. Onu tapıb həbs edirlər. Bütün dəlillər ona işarə edir. Sorğu zamanı günahını boynuna almaq yerinə, o, Cek Riçer adını yazır. O, başqa heç nə deyə bilmir, çünki məhbuslar tərəfindən döyülərək komaya düşür. Sirli Cek Riçer qəfil peyda olur. Qatilin sonu necə olacaq ?
Orijinal adı: Mission: Impossible II
Videokeyfiyyət: 1080p
Məzmun: Dünya böyük fəlakət astanasındadır. Bu fəlakətin qarşısını almağı bacaran yalnız bir şəxs var. İtan Hant adlı həmin şəxs Mərkəzi Kəşfiyyat İdarəsinin xüsusi agentidir. Ən müşkül və həlli mümkünsüz görünən tapşırıqların öhdəsindən gəlir. Birinci hissədən sonra qəhrəmanın həyatında çoxsaylı dəyişikliklər baş verib. İndi onun daha sərt rəhbəri, daha qəliz və həyati əhəmiyyətli missiyası və yeni sevgilisi var. İtan Hant bu dəfə hiyləgər və olduqca təhlükəli terrorçu ilə üzləşməli olacaq. Belə ki, ölümsaçan yeni virus terrorçu dəstəsinin əlinə keçib. Terrorçular öz məkrli planlarını gerçəkləşdirmək üçün həmin virusu buraxmağa hazırlaşırlar. Indi milyonlarla insanın taleyi məhz İtan Hantın əlindədir...
Orijinal adı: Mission: Impossible - Rogue Nation
Videokeyfiyyət: 1080p
Məzmun: Mərkəzi Kəşfiyyat İdarəsinin başçısı Hanli İtan Hantın üzv olduğu “Qeyri-mümkün tapşırıq” komandasını ləğv etdirmək üçün senata müraciət edir. Elə bu zaman İtan "Sindikat" adlanan gizli və təhlükəli cinayətkar təşkilatın izinə düşür. Hanli onların bir kəlməsinə belə inanmadığından "Sindikat"ı izləmək fikrində deyil. Bu halda İtan Hant komandası ilə birgə bu işə icazəsiz qarışmalıdır. Dəlisov komandanı saysız-hesabsız təhlükələr gözləsə də, dövləti və bəlkə də dünyanı dəhşətli cinayətdən qorumaq məqsədi onlar üçün hər şeydən üstündür.
Orijinal adı: Mission: Impossible - Fallout
Videokeyfiyyət: 1080p
Məzmun: Bəşəriyyətin maraqlarına xidmət İtan Hantın məğlubedilməz komandasının başlıca üstünlüyüdür. İpə-sapa yatmayan agent Hantın hərəkətləri tez-tez müxtəlif məxfi təşkilat və dövlət idarələri arasında ixtilaflara yol açır. Bu dəfə keçirdikləri əməliyyat plana uyğun getmir. Nadir radioaktiv maddələrin alveri ilə məşğul olan şəxslərlə toqquşma Mərkəzi Kəşfiyyat İdarəsini çətin vəziyyətdə qoyur. Gizli ticarət sövdələşmələrinin səbəbkarının zərərsizləşdirilməsi qətl silsiləsinin ilk zəncirinə çevrilir. Qrupun lideri böyük təhlükənin olduğunu anlasa da, köməkçilərini ölümdən qurtara bilir. İndi agent Hant keçmiş düşmənləri ilə üz-üzə gəlib, onların qarşısını almalıdır...
Orijinal adı: Drive Angry
Videokeyfiyyət: 1080p
Məzmun: Filmdə hadisələr ABŞ-nin Luiziana ştatının Şrivport şəhərində cərəyan edir. Keçmiş cinayətkar Con Milton qəddar sektanın qurban gətirmək istədiyi nəvəsini xilas etməyə çalışır. Sekta qurban mərasimini ay bədir olan vaxt həyata keçirməyə hazırlaşır. Ona görə də Conun sektanın izi ilə nəvəsini axtarıb tapmasına cəmi 3 gün vaxtı var. Bu işdə ona qırmızı idman avtomobili olan Payper adlı ofisiant qız kömək edir. Amansız qatillərdən, polisdən və digər təhlükələrdən yan keçən Con və Payper iş-işdən keçməmiş zavallı qızı xilas etməyə tələsir...
Orijinal adı: John Wick
Videokeyfiyyət: 1080p
Məzmun: Con Uik ilk baxışdan sıravi Amerika vətəndaşıdır və sakit həyat sürür. Çox az adam bilir ki, Con keçmiş muzdlu qatildir və öz işinin peşəkarıdır. Bir dəfə Con Uikin sevimli "Mustanq" avtomobili cinayətkar tərəfindən oğurlanır və vəfat edən arvadının yeganə yadigarı - Deyzi adlı iti öldürülür. Bu hadisədən sonra intiqam arzusu onun unudulmuş bacarığını oyadır...
Orijinal adı: John Wick: Chapter 2
Videokeyfiyyət: 1080p
Məzmun: Con Uik haqqında əfsanələr dolaşan muzdlu qatildir. O, həmişə işini "axıra qədər görür və "xidmət siyahısı"nda heç bir qayda yoxdur. Lakin o, keçmişi ilə vidalaşıb silah və qətlin olmayacağı yeni həyata başlamaq istəyir. Amma təqaüdə çıxmağı təxirə salmalı olur. Belə ki, keçmiş həmkarı gizli killer təşkilatının idarəçiliyini əlinə almaq qərarına gəlib. Conun geri donüb ən yaxşı bacardığı işi görməkdən başqa bir çıxış yolu qalmır. Uik Romaya yollanır. Burada o, dünyanın ən təhlükəli qatillərindən biri ilə mübarizə aparmalıdır. Əfsanəvi qatil bu dəfə də qalib gələ biləcəkmi?
Orijinal adı: John Wick: Chapter 3 - Parabellum
Videokeyfiyyət: 1080p
Məzmun: Kriminal aləmdə Con Uik adı hamıya tanışdır. O, hər zamanı işini axıra çatdıran, dəyişməz prinsiplərinə sadiq soyuqqanlı super-killerdir. Sui-qəsdlə bağlı sifarişləri ondan yaxşı yerinə yetirən yoxdur. Çoxları Con Uikdən qorxur, ona hörmət edir. Gəl ki, vicdanını itirmiş, öz iyrənc əməllərinə görə məsuliyyətdən boyun qaçıran şəxslərə görə kriminal aləmdə tez-tez münaqişələr düşür və bəzən bu münaqişələr baş qəhrəmandan da yan keçmir. Nüfuzlu bir şəxslə Con Uik arasında düşən ədavət onun “killer kodeks"ini pozması ilə nəticələnir. İndi Con özü peşəkar qatillərin hədəfinə düşüb. O, artıq bir nömrəli "şikar"dır. Belə ki, onun başına nə az, nə çox 14 milyon dollar mükafat qoyulub....
Orijinal adı: Unhinged
Videokeyfiyyət: 1080p
Məzmun: Tənha ana Reyçel boşanma ərəfəsindədir. Təkcə şəxsi həyatında deyil, peşə fəaliyyətində də işləri yaxşı getmir. Bir gün yuxuya qalıb ən yaxşı müştərisi ilə görüşə gecikir, oğlunu isə məktəbə vaxtında çatdıra bilmir. Oğlu Kaylla uzun tıxaca düşürlər. Reyçelin əsəbləri tarıma çəkilir. Acı taleyini, uğurlarına mane olan hər şeyi lənətləyir. Tıxacdan qurtulmaq üçün köhnə maşınını alternativ yolla sürdüyü əsnada işıqforun yaşıl işığında hərəkətsiz qalan avtomobilin sürücüsü ilə sözü "çəp" düşür. Reyçel hardan bilsin ki, bərkdən və kobud şəkildə verdiyi siqnal onun “ən qorxulu yuxusuna” dönəcək...
Orijinal adı: Triple Threat
Videokeyfiyyət: 1080p
Məzmun: Çin oliqarxının varisi Tyan Syaosyan Tailanda gəlir. Gənc xanım atasının ölümündən sonra ona miras qalan vəsaiti ölkədə cinayətin kökünün kəsilməsinə yönəltmək niyyətindədir. Bu heç də yerli cinayətkar sindikatların ürəyincə deyil. Onlar kriminal avtoritet Kollinz və onun muzdlu qatillərdən ibarət silahdaşlarına Syaosyanı aradan götürməyi tapşırırlar. Syaosyanın həyatı böyük təhlükə altındadır. Ancaq üç cəsur döyüşçü - çinli Fen, tailandlı Pay və indoneziyalı Caka onun müdafiəsinə qalxır. Hər biri Kollinz və onun başkəsənlərindən yanıqlı olduğundan, Syaosyanla maraqları üst-üstə düşür…
Orijinal adı: Mean Guns
Videokeyfiyyət: 1080p
Məzmun: Yeni tikilmiş həbsxanada Mun ləqəbli bir mafioz sindikatın ən yaxşı döyüşçülərini bir araya gətirir. Döyüşçülər ölümcül bir oyuna cəlb olunurlar. Bir ölüm-dirim savaşı olan oyunun olduqca sərt qaydaları var. Oyun bitənə qədər onu heç kim diri tərk edə bilməz. Ən axıra sağ qalan üç iştirakçı 10 milyon dollar həcmində mükafatın qalibi olacaq. Oyun başlayar-başlamaz üç iştirakçı: peşəkar qatil, onun keçmiş rəisi və sarışın jurnalist açıq-aşkar favoritlərə çevrilir...
Orijinal adı: Seeking Justice
Videokeyfiyyət: 1080p
Məzmun: Baş qəhrəman Nik Cerardın həyat yoldaşı Laura təcavüzə məruz qalır, vəhşicəsinə döyülərək, başından güllə yarası alır. Sağ qalmaq şansı demək olar ki, sıfıra bərabər olsa da, möcüzəvi şəkildə sağ qalır. O, həyat yoldaşını zorlayan şəxsin yaxalanmasında hüquq mühafizə orqanları heç bir nəticəyə nail olmadığından, alternativ variantlar axtarır. İş elə gətirir ki, gizli fəaliyyət göstərən və seksual manyakları öz gücləri hesabına cəzalandıran və ya zərərsizləşdirən dəstənin başçılarından biri ilə tanış olur. Həmin qrupun nümayəndəsi cinayətkarı öldürərək, ölüxanaya zəng vurur və “Ac dovşan hücum edir” ifadəsini işlədir. Ancaq təcavüzkar heç də təmənnasız olaraq cəzalandırılmayıb. Bunun müqabilində Nik dəstə üçün bir neçə tapşırıq yerinə yetirməlidir. Nik çətin sınaqla üz-üzə qalır. Çünki ona edilən “yaxşılığa” görə, qrupa qarşı kompromat materiallar toplamış jurnalisti öldürməlidir...
Orijinal adı: No Time to Die
Videokeyfiyyət: 1080p
Məzmun: Ernst Stavro Blofeld obrazının ələ keçirilməsinin üstündən beş il keçir. Zaman çox dəyişib. Artıq Ceyms Bond aktiv agent xidmətindən ayrılıb. O, indi Yamaykada sakit və dinc həyat sürür. Lakin, bu sakit həyat heç də uzun çəkməyəcək. MKİ-dən köhnə dostlarından Feliks Leiterin Bonddan bir məsələdə kömək istəməsi onu yenidən bir macəraya girməsinə səbəb olur. Feliks Leiter itkin düşən alim Valdo Obruçevin axtarışında Bondun köməyinə ehtiyacı olduğunu bildirir. Alim Obruçevin qaçırıldığı üzə çıxanda Bond planları milyonlarla insanın ölümünə səbəb olacaq bədxahlarla qarşılaşmağa məcbur olur. Bu xilasetmə missiyasında onlar gözlənildiyindən daha çox xəyanətlə qarşılaşırlar. Bond yenidən problem yaşayır. Təhlükəli texnologiyalarla təchiz edilmiş adamı təqib edən Bond üçün çətin günlər başlayır.
Orijinal adı: Banlieue 13: Ultimatum
Videokeyfiyyət: 1080p
Rejissor: Patrik Alessandren
Baş rolda: Siril Raffaelli
Filmin musiqiləri: Dinlə
Orijinal adı: The Bourne Identity
Videokeyfiyyət: 1080p
Məzmun: İtaliyalı balıqçılar Aralıq dənizinin sularında huşsuz vəziyyətdə naməlum bir adam tapır. Göyərtəyə qaldırdıqları həmin şəxsin bədənində iki güllə yarası var, buduna isə İsveçrə bankındakı hesab nömrəsinin yazıldığı kapsula implantasiya olunub. Naməlum şəxs özünə gələn zaman kim olduğunu və başına nə gəldiyini yada sala bilmir. Lakin bir neçə dildə səlis danışa bilir və bir sıra digər inanılmaz bacarıqlara malikdir. Sürixdə olan bank hesabından pul çıxardıqdan sonra əsl adının Ceyson Born olduğunu öyrənir. Lakin bunun onun həqiqi adı olub-olmadığını dəqiq bilmir. İtirilmiş yaddaş zəncirlərini bir-bir toplayan Born Parisdə qaldığı mənzili tapır. Mənzilə ayaq basması böyük səhv olur. Çünki Bornu zərərsizləşdirmək əmri almış peşəkar qatil pusqudadır. Born nəyin nə yerdə olduğunu müəyyən etmək və kimlərin onun qətlində maraqlı olduğunu bilmək üçün mütləq keçmişi xatırlamalıdır. Bunun üçün təsadüfən tanış olduğu və ona kömək edən alman tələbə Merinin dəstəyinə ehtiyacı var.
