Orijinal adı: This Means War
Videokeyfiyyət: 1080p
Məzmun: Mərkəzi Kəşfiyyat İdarəsinin iki məxfi agenti bir-birilə möhkəm dost olan Franklin Foster və Tak Henson Honq-Konqa ezam olunur. Onların başlıca hədəfi yeni əməliyyatı üçün kütləvi şəkildə silah-sursat alan Henrix adlı beynəlxalq terrorçunun planlarını alt-üst etməkdir. Ancaq Henrixin qardaşının öldürülməsi və onun aradan çıxması ilə missiya iflasa uğrayır. Henrix üçün qardaşının qisası artıq əsas prioritetə çevrilir, uğursuzluğa düçar olan agentlər isə ABŞ-a qayıdır və həyatları təhlükədə olduğundan gizli məkana göndərilirlər. Franklinə verilmiş qondarma şəxsiyyətə əsasən o, kruiz tipli gəminin kapitanıdır, Tak isə müvəqqəti olaraq turistik agentə çevrilib. Bekarçılığı “öldürmək” üçün Tak tanışlıq saytına daxil olub, Loran Skott adlı qızla tanış olur. Loran məhsulların sınaqdan keçirilməsi üzrə mütəxəssisdir. Görüşdən sonra onlar ümumi dil tapırlar. Bir müddətdən sonra Franklin dostunun sevgilisi ilə tanış olur və onunla mazaqlaşmağa başlayır. Nəticədə özləri də bilmədən məhəbbət üçbucağına baş vururlar. Hər ikisi Lorana dəlicəsinə aşiq olub və məhəbbət həm dostluğa, həm də peşəkarlığa üstün gəlib. İndi son seçimi Loran etməlidir...
Orijinal adı: Jack Reacher
Videokeyfiyyət: 1080p
Məzmun: Naməlum atıcı bir neçə sadə vətəndaşı öldürür. Onu tapıb həbs edirlər. Bütün dəlillər ona işarə edir. Sorğu zamanı günahını boynuna almaq yerinə, o, Cek Riçer adını yazır. O, başqa heç nə deyə bilmir, çünki məhbuslar tərəfindən döyülərək komaya düşür. Sirli Cek Riçer qəfil peyda olur. Qatilin sonu necə olacaq ?
Orijinal adı: The Company You Keep
Videokeyfiyyət: 1080p
Məzmun: 1969-1977-сi illərdə ABŞ-da “Sinoptiklər” adı altında qatı solçu döyüşçü təşkilat fəaliyyət göstərib. Onun fəal üzvləri Vyetnamda müharibənin dayandırılması uğrunda mübarizə aparıb. Təşkilatın bir neçə üzvü bankı silahlı qarət edir. Qarət plana uyğun getmir və ölənlər olur. Hüquq-mühafizə orqanları onların bəzilərini həbs edə bilsə də, qalanları hadisə yerindən qaça bilir. Həmin hadisənin üstündən 30 il keçir. Federal Təhqiqatlar Bürosunun agentləri həmin bankda mühafizəçinin qətlində ittiham olunan Şeron Solyajın izinə düşür və tezliklə onu həbs edirlər. Səs-küylü cinayət işi gənc jurnalist Ben Şepardın marağına səbəb olur. Apardığı müstəqil araşdırma onu həmin cinayətdə iştirak etmiş və uzun illər başqa adla yaşayan Cim Qranta çıxarır. Adını təmizə çıxarmaq və yeganə qızını itirməmək üçün Qrant yenidən qaçmaq məcburiyyətindədir...
Orijinal adı: John Carter
Videokeyfiyyət: 1080p
Məzmun: ABŞ-da vətəndaş müharibəsinin veteranı Con Karter özündən asılı olmayaraq Marsa düşür. Burada yerli, dördmetrlik nəhəng əsgərlər onu girov götürürlər. İndi Con Karter yalnız özünü deyil, şahzadə Deya Torisi də əsarətdən qurtarmalıdır.
Orijinal adı: So Undercover
Videokeyfiyyət: 1080p
Məzmun: Molli ağıllı və inadkar gəncdir. Geyinib-keçinməsi, danışıq tərzi və başqa cəhətləri ilə yeniyetmələrdən seçilmədiyindən, çoxları onun xüsusi agent olduğunu ağlına belə gətirmir. Onu Federal Təhqiqatlar Bürosu gizli agent kimi qadın klubuna yeridib. Molli lovğa, zəhlətökən, vasvası və merkantil kollec qızlarının yanında özünü qəribə hiss etsə də, işin xatirinə bütün çətinliklərə dözməlidir. Xüsusilə belə bir çətin vaxtda o, bu missiyanı yarımçıq qoya bilməz. Mafiyaya qarşı cinayət işində aparıcı şahidin qızının həyatı bu tapşırığın uğurundan asılıdır...
Orijinal adı: Lockout
Videokeyfiyyət: 1080p
Məzmun: Cinayətkarlar kosmosdakı təhlükəli bir həbsxanada yatırlar. ABŞ prezidentinin qızı bu həbsxanaya gedən vaxt görünməmiş bir iğtişaş baş verir. Prezidentin qızı əsir götürülür və xüsusi tapşırıqla agent Snou qızı xilas etmək üçün həbsxanaya göndərilir. Digər tərəfdən agent Snou bir sui-qəsd oyununda vasitəçi olduqdan sonra casusluqda günahlandırılan köhnə bir agentdir və bu tapşırığın öhdəsindən gələrsə, azadlığına qovuşmaq imkanı qazanacaq. Snoudan gözlənilən şey isə bir yol tapıb Emilini həbsxanadan xilas etməkdir.
Orijinal adı: People Like Us
Videokeyfiyyət: 1080p
Məzmun: Filmin baş qəhrəmanı gənc və təcrübəli satış üzrə menecer Semdir. Karyerasında müxtəlif çətinliklərlə üzləşdiyi bir vaxtda, o qədər də yaxın olmadığı atasının ölüm xəbərini alır. Atasının dəfn mərasimində iştirak etməsə də, vəsiyyətin elan olunmasına özünü çatdıra bilir. Müəyyən maddi gözləntiləri olsa da, ona atasında miras qalan yalnız xüsusi tapşırıq olur. Sem indiyə kimi tanımadığı və spirtli içki asılılığından əziyyət çəkən doğma bacısına 150 min dollar məbləğində pul çatdırmalıdır. O, bacısı ilə tanış olmaq qərarına gəlir, ancaq ona həqiqi kimliyini açıqlamağa tələsmir...
Orijinal adı: Big Miracle
Videokeyfiyyət: 1080p
Məzmun: Ekran əsəri real hadisələrə əsaslanır. Adam adlı müxbir “Qrinpis” təşkilatının könüllüsü olan keçmiş sevgilisi Reyçellə Alyaskadan Antraktidaya səyahət edir. Jurnalistin məqsədi balina ailəsinin qorunması üçün “Hamı Balinaları Sevir” adlı aksiyanı işıqlandırmaqdır. Sözügedən 3 balina ölümcül təhlükə qarşısında qalıb. Onlar hər tərəfdən qalın arktik buzlaqların mühasirəsinə düşüb və okeana çıxa bilmirlər. Hər saat onların xilas edilməsinə olan ümidlər azalır. Ancaq Adam və Reyçel bir neçə könüllünün dəstəyi ilə balinaları azad etməyin yolunu tapır. Reyçel və Adamın bu fədakarlığı həm də onların keçmiş sevgi münasibətlərinin bərpasına yol açır...
Orijinal adı: Ek Tha Tiger
Videokeyfiyyət: 1080p
Məzmun: “Pələng” ləqəbli, yaraşıqlı, təhlükəli, iricüssəli Moniş Çandra Hindistanın xarici kəşfiyyat xidmətində çalışır. Ölkənin ən yaxşı məxfi agentlərindəndir və təhlükəli obyektlərin aşkarlanaraq zərərsizləşdirilməsi ilə bağlı ən çətin tapşırıqlar məhz ona həvalə olunur. Ərəb ölkələrində keçirdiyi növbəti əməliyyatlardan birində yaralanır. Onu İrlandiyaya yollayırlar. “Pələng” Dublin şəhərində Pakistan xüsusi xidmət orqanlarına dövlət sirri kateqoriyalı məlumatları sızdırmaqda şübhəli bilinən hindistanlı tanınmış alimlə əlaqə qurmalıdır. Təyinat yerinə gəldikdə alimin evində qarşısına füsunkar Zoi adlı xidmətçisi çıxır. Zoi qısa bir zamanda onun ağlını başından alır. Alimdən məlumat toplamaqla bağlı tapşırıq onun üçün artıq ikinci plana keçir. Qəfil məhəbbət ən uğurlu hind casusunun karyerası və reputasiyasını zərbə altında qoyur...
Orijinal adı: Populaire
Videokeyfiyyət: 1080p
Məzmun: Hadisələr XX əsrin 58-59-cu illərində cərəyan edir. Roza atası ilə uzaq fransız əyalətində yaşayır. O, şəhərcikdə qızların həsəd apardıqları oğlanla nişanlanıb. Ömrünün axırına qədər orta statistik ev qadını kimi sakit həyat sürəcəyini proqnozlaşdırıb. Amma... Çap maşınında olmazın sürətlə yazmaq bacarığı onu hamıdan fərqləndirir və Roza cazibədar və iddialı Luinin yanına işə düzəlir.
Orijinal adı: Django Unchained
Videokeyfiyyət: 1080p
Məzmun: 1858-ci ildə Texasda Canqo və həyat yoldaşı qul kimi ayrı-ayrı yerlərə satılır. Bir gün almaniyalı Kral Şultz kölələrlə rastlaşır. Kölələrdən birini almaq üçün atından düşür və qulları nəzərdən keçirir. Əslində hansı qulu almaq istədiyini əvvəlcədən müəyyən edir. Bu, qul Cekson idi. Kral Şultz Canqoya təklif edir ki, ona qardaşının qatilini tapmaqda kömək edərsə, onu azad edəcək. Canqo bu təklifi qəbul edir və qatilləri axtarmağa başlayırlar. Onları Bennet adlı adamı fermasında tapıb öldürürlər. Kral Şultz ona azad olduğunu deyir və ondan indi nə edəcəyini soruşur. Canqo da cavabında həyat yoldaşını axtarmaq istədiyini deyir. Kral Şultz ona kömək edəcəyini deyir və qış mövsümü ərzində Canqonu döyüşə hazırlayır. Vaxtı gələndə isə onlar yola çıxırlar.
Orijinal adı: Astérix & Obélix: Au service de sa Majesté
Videokeyfiyyət: 1080p
Orijinal adı: Argo
Videokeyfiyyət: 1080p
Məzmun: 1979-cu il 4 noyabr tarixində Şah devrildiyi vaxt, İran inqilabının ən ağır günlərində, terrorçular paytaxt Tehrandakı Amerika səfirliyinin binasına girib, 52 amerikalını girov götürürlər. Həmin qarışıqlıqdan qaçmağı bacaran altı Amerika vətəndaşı Kanada səfirliyinə sığınır, ancaq onların həyatları hələ də təhlükədədir. Hər an tutulmaq və öldürülmək təhlükəsi ilə qarşı-qarşıyadılar. Mərkəzi Kəşfiyyat İdarəsi mütəxəssisi Toni Mendes bu Amerika vətəndaşlarını xilas etmək üçün film ssenarisi kimi riskli bir plan hazırlayır...
Orijinal adı: The Vow
Videokeyfiyyət: 1080p
Məzmun: Peyc və Leo yenicə ailə qurmuş, sevib-sevilən gənc cütlükdür. Onların bal ayı baş verən faciə ilə əlaqədar yarımçıq qalır. Ağır yol qəzası nəticəsində Peyc ağır bədən xəsarətləri alaraq, koma vəziyyətinə düşür. Leo onun çarpayısı önündə uzun saatlar, bir-birini əvəz edən günlər keçirir. Günlərin bir günü Peyc komadan ayılır. Leonun sevincinin həddi hüdudu olmur. Tezliklə növbəti bir ağır xəbəri alır. Kəllə-beyin travması nəticəsində Peycin hafizəsi tamamilə silinib və o, artıq qanuni əri olan Leonu tanımır...
Orijinal adı: Anna Karenina
Videokeyfiyyət: 1080p
Məzmun: 1874-cü il, Rusiya İmperiyası. Aristokrat Anna Karenina Sankt-Peterburqdan Moskvaya, qulluqçu ilə eşq macərası yaşayan qardaşı şahzadə Oblonskinin evliliyini qorumaq üçün səyahət edir. Anna Kareninanın əri qraf Aleksi Kareninlə olan ailə həyatı elə də isti münasibətlər üzərində qurulmayıb. Onların bir oğulları var. Anna qatar stansiyasında qraf Vronskini görür və onlar bir-birinin diqqətini cəlb edirlər. Anna öyrənir ki, Vronski onun tanışlarının evində keçiriləcək balda iştirak edəcək. Bu bala Anna da dəvətlidir. Annanın balda Vronski ilə rəqs etməsi mühafizəkar təbəqənin diqqətini çəkir. Bundan qısa müddət sonra isə onların arasında məhəbbət macərası başlayır. Bu əlaqələr Annanın başına gələn faciəyə səbəb olacaq...
Film rus yazıçısı Lev Tolstoyun (XIX-XX əsr) eyniadlı romanı əsasında çəkilib.
Orijinal adı: The Twilight Saga: Breaking Dawn - Part 2
Videokeyfiyyət: 1080p
Məzmun: Bella vampir olduqdan sonra özünün yeni bacarıqlarını kəşf edir və öz yeni təbiətinə öyrəşməyə çalışır. Edvard və ailəsi bütün bunlarda Bellaya kömək edir. İndi Bella əbədiyaşardır və onun Renesmi adında qızı var. Ceykobun Renesmidən xoşu gəlir və onlar dostlaşırlar. Qəhrəmanlar üçün qısa müddətlik sakit və xoşbəxt günlər başlayır. Volturi Renesmi haqqında xəbər tutduqdan sonra hər şey bitir. Renesminin qeyri-adi təbiətindən xəbərsiz olan Volturi ordu yığır və Kallenləri məhv etmək üçün Forksa yollanır.
Orijinal adı: Snow White and the Huntsman
Videokeyfiyyət: 1080p
Məzmun: Zülmət yaxınlaşır. O, meşələrdə gizlənir, dağlardan enir, bütün səmanı əhatə edir. Saysız-hesabsız mühafizəçilər tərəfindən qorunan, əlçatmaz sarayda yaşayan Kraliçanın sehrli güzgüsündən heç kəs gizlənə bilməz. Lakin kraliçanın sehri Ağcaya təsir etmir və rəqibinin ürəyini gətirmək üçün Kraliça ovçu göndərir. Ağbənizi gördükdən sonra ona heyran qalan ovçu Ağbənizin tərəfinə keçir. Böyük müharibə başlayır, onlardan yanlız biri hakimiyyətə gələcək.
