Orijinal adı: Heat
Videokeyfiyyət: 1080p
Məzmun: Nil MakKoli cinayətkardır. Nəinki Los Ancelesdə, heç bütün Amerikada onunla bacaran olmayıb. Dünyanın ən güclü peşəkarları onunla işləmək üçün növbəyə yazılırlar. Lakin onun da “başını ağrıda biləcək” şəxs var. Bu, detektiv Vinsent Hannadır. Nil kimi o da öz işinin bir nömrəli peşəkarıdır. İkisi də prinsipial və ağıllıdır. Aralarında bir fərq var: Nil şərdirsə, Vinsent xeyrin tərəfindədir. Amma iki qoçun başı bir qazanda qaynamaz. Tərəflər arasında ölüm-dirim qarşıdurması başlayacaq.
Orijinal adı: So Undercover
Videokeyfiyyət: 1080p
Məzmun: Molli ağıllı və inadkar gəncdir. Geyinib-keçinməsi, danışıq tərzi və başqa cəhətləri ilə yeniyetmələrdən seçilmədiyindən, çoxları onun xüsusi agent olduğunu ağlına belə gətirmir. Onu Federal Təhqiqatlar Bürosu gizli agent kimi qadın klubuna yeridib. Molli lovğa, zəhlətökən, vasvası və merkantil kollec qızlarının yanında özünü qəribə hiss etsə də, işin xatirinə bütün çətinliklərə dözməlidir. Xüsusilə belə bir çətin vaxtda o, bu missiyanı yarımçıq qoya bilməz. Mafiyaya qarşı cinayət işində aparıcı şahidin qızının həyatı bu tapşırığın uğurundan asılıdır...
Orijinal adı: A Simple Favor
Videokeyfiyyət: 1080p
Məzmun: Stefani gənc ana və bloggerdir. Balaca bir şəhərdə yaşayır. Günlərin bir günü oğlunun sinif yoldaşının anası Emili ilə tanış olur. Onlar fərqli sosial zümrələrdən olsalar da, aralarında dostluq bağları yaranır. Rəfiqələr birlikdə çoxlu vaxt keçirirlər. Ancaq bir gün Stefaninin onun icazəsi olmadan Emilinin fotoşəklini çəkməsi rəfiqələr arasında mübahisəyə səbəb olur və onlar bir-birindən küsürlər. Çox keçmədən Emili Stefaniyə zəng edərək ondan adi bir xahiş edir. Ancaq Stefani rəfiqəsinin xahişi ilə evə gələndə Emilidən əsər əlamət olmur. İndi o, Emilinin əri Şonla müəmmalı şəkildə yoxa çıxmış rəfiqəsini tapıb, həqiqəti öyrənməlidir. Çox sirlər üzə çıxacaq: sevgi və xəyanət, qətllər və qisas...
Orijinal adı: A Bronx Tale
Videokeyfiyyət: 1080p
Məzmun: Film atası sadə avtobus sürücüsü işləyən, İtaliyanın Bronks məhəlləsindən olan Kalocero adlı oğlan haqqındadır. Uşaqlıqda Kalocero yerli qanqsterlərin başçısı olan Sonninin törətdiyi qətlin şahidi olur, ancaq o, polisə yalan məlumatlar verir, nəticədə cinayətkar Sonni azadlıqda qalır. Uşağı olmayan Sonni Kaloceronu öz himayəsinə götürür. Bununla da Kalocero sanki iki ata tərbiyəsi ilə böyüməli olur, lakin doğma atası Sonninin onun oğluna verdiyi dərsləri bəyənmir. Gənc oğlan böyüdükcə Sonninin dəhşətli cinayətlərinin şahidi olur. İndi hansı həyatı seçmək onun öz əlindədir...
Orijinal adı: Dragged Across Concrete
Videokeyfiyyət: 1080p
Məzmun: Brett Ricmen yaxın zamanda təqaüdə çıxmağa hazırlaşan polis xəfiyyəsidir. Buna baxmayaraq xidmətdəki son günlərini idarədə iş masası arxasında keçirmək əvəzinə, həmkarı Entoni Lurasetti ilə qatı cinayətkarın axtarışını aparır. Entoni Brettdən 20 yaş kiçikdir və elə onun kimi çılğın təbiətlidir. Tərəfdaşlar dəfələrlə xidməti səlahiyyətlərini aşaraq, rəhbərliyin qəzəbinə tuş gəlib. Növbəti işlərin birində şübhəli şəxsi dindirən zaman ona qarşı güc tətbiq etdiklərinə görə istintaqdan uzaqlaşdırılırlar. Xəfiyyələr onlarla ədalətsiz davranıldığını düşünür. Dolanmaq üçün əllərindən başqa iş gəlməyən Entoni və Brett kriminal aləmə "baş vurur" və axtardıqları bir çox sualların cavabını orada tapırlar...
Orijinal adı: Антикиллер
Videokeyfiyyət: 1080p
Məzmun: Cinayət axtarış idarəsinin sabiq əməkdaşı Mayor Korenyov törətmədiyi əmələ görə mühakimə olunur. Azadlığa çıxdıqdan sonra baş qəhrəman doğma şəhərinə qayıdır. Ata yurdunda cinayətkarlığın tüğyan etdiyinin şahidi olur. Hərcmərclik, qanunsuzluq və dostlarının ölümü ilə qarşılaşan Korenyov öz unikal metodları ilə şəhərdə asayişi bərpa etmək və qanunun aliliyini təmin etmək niyyətindədir.
Orijinal adı: Aktrisa
Videokeyfiyyət: 1080p
Məzmun: Kriminal-dram janrında çəkilmiş filmdə bir-birinin ardınca törədilmiş 3 qətl hadisəsindən bəhs edilir. Peşəkar müstəntiq Eldar Əfəndiyev inanır ki, bu qətllərin üstünün açılması bir şifrənin tapılmasından asılıdır.
Bankir Vaqif Fətəliyev öz bağ evində qətlə yetirilir. Araşdırma zamanı bir-birinin ardınca daha iki qətl hadisəsi baş verir və bunlar qatilin tapılmasını daha da çətinləşdirir.
