| Misir kraliçası Kleopatra Roma imperatoru Yuli Sezarla mərcə girir ki, onun təbəələri cəmi üç ay ərzində Sezar üçün möhtəşəm bir saray tikə biləcəklər. Tikintiyə rəhbərlik etmək kimi böyük şərəf memar Numerobisin payına düşür və əgər o, uğursuzluğa düçar olarsa, timsahlara yem ediləcək. Belə qısa müddətə bu işin öhdəsindən gələ bilməyəcəyini anlayan Numerobis fövqəltəbii gücü olan köhnə dostu, druid Panoramiksi köməyə çağırır. Şən və zirək dostlar Asteriks və Obeliks isə qocanı Misirə qədər müşayiət edirlər ki, Kleopatraya uduzmaq istəməyən Sezarın hiylələrinə mane olsunlar. |
