DƏCƏL DƏSTƏ
|
|
| Janr: komediya, ailə Rejissor: Aleksandr Popov |
|
 Alla Varqanova-Olya |
 Murtuza Əhmədov-Heydər |
| Uşaq filmi Bakının beynəlmiləl orta məktəblərindən birinin şagirdlərinin gündəlik qayğılarından danışır. Bakı məktəblərinin birinin 6-cı sinif şagirdləri Heydər və Olya səs-küylü oyunlara çox maraq göstərirlər. Onların sinif yoldaşı Yusif isə kimyəvi təcrübələrə aludə olub. Heydər və Olya Yusifin sirli kolbalarında onun ixtira etdiyi boyanın necə əmələ gəldiyini izləyirlər. Dəniz gəzintisi zamanı motorlu katerdə Heydər Yusifin “kəşfini” yoxlamaq qərarına gəlir. O, uşaqlardan xəbərsiz katerin oturacaqlarını həmin boya ilə rəngləyir. Boya “səhvsiz” işləyir: sinif yoldaşlarının paltarları geri dönməz şəkildə korlanır. Uşaqlar baş verənlərə görə Yusifi günahlandırırlar. Vicdan əzabı çəkən Heydər hər şeyi Olyaya etiraf edir, amma özünü uşaqların qarşısında günahkar elan etməyə cürət etmir. Olya Heydəri kəskin şəkildə qınayır. Tədricən məktəb kollektivinin təsiri ilə Heydər özünü layiq olmayan şəkildə apardığını anlamağa başlayır. Oğlanın səmimi etirafı onun Yusif və Olya ilə əvvəlki dostluğunu bərpa edir. |
|
