Filmin baş qəhrəmanları gözəl, şıltaq iki qadın Sara Sandoval və Mariya Alversdir. Sara yoxsul ailədə boya-başa çatıb. Mariya isə əksinə ən iri mülkədarlardan birinin qızıdır. O, bu yaxınlarda Avropada təhsilini başa vuraraq vətəninə qayıdıb. Xain və acgöz mülkədar Tayler daha geniş sahələri məngirləmək üçün Saranın atasını zəhərləyir, Mariyanın atası isə ağır yaralanır. Mülkədar eyni zamanda Saranı öz məşuqəsinə çevirməyə çalışsa da, o qaçmağa nail olur. Bir gün Sara bankı yarmağa çalışan zaman orada eyni niyyətdə olan Mariya ilə qarşılaşır. Onlar əvvəl didişsələr də tezliklə, səylərini birləşdirib, ortaq düşmənlərinə qarşı mübarizəyə başlayırlar.
Saytda yerləşdirilmə tarixi: 06.09.2024
